luns, 17 de decembro de 2018

ESTREA! ESTREA!

Xa está todo listo para a estrea de mañá!
Temos preparado unha historia de Nadal na que haberá uns protagonistas que veñen doutra galaxia.
Esperamos disfrutar moito tod@s xunt@s.




BENVENUTI ALLA BELLA ITALIA

O noso ratiño preferido estivo a viaxar por Italia este trimestre e nós aprendimos moitas cousas sobre este país.
Celebramos unha festa na que amosamos o traballado sobre Italia, unha clase realizou un experimento do volcán Vesubio e bailamos cancións italianas moi coñecidas.


domingo, 16 de decembro de 2018

NON É UNHA CAIXA

Os recreos na biblio continúan! Esta vez fixemos unha actividade a partir do conto "Non é unha caixa", da editorial kalandraka.





Comezamos a actividade coa lectura e observanción do conto, para ser despois nós os protagonistas da historia! Amosámosvos as imaxes do ben que o pasamos coas caixas. 


mércores, 5 de decembro de 2018

ACHÉGASE O NADAL

Queda xa moi pouquiño para as vacacións de Nadal... 
Como cada ano, dende o cole organizamos un concurso de postais. Co debuxo gañador elaboramos unha  para enviar as vosas casas e felicitarvos así as festas.
Este ano o debuxo gañador foi elaborado pola alumna Laura Novoa e leva unha poesía que foi elaboradora por tódalas aulas do centro.

Desexamos que vos guste!!!




luns, 5 de novembro de 2018

XOGAMOS COA Wii

O noso rato Roi segue a invitarnos a participar en distintas actividades durante os recreos. Nesta ocasión xogamos coa Wii! 

En grupos de catro xogamos ao tenis de mesa, ao baloncesto, bailamos... Estamos desexando repetir!


martes, 30 de outubro de 2018

UNHA BIBLIO CHEA DE LUZ

A nosa biblioteca inaugura a súa actividade nos recreos, e facémolo cun obradoiro da mesa de luz.

Xogamos cos seus cambios de cor, coas formas, os volumes, coas letras...pasámolo moi ben!!!!




luns, 29 de outubro de 2018

RECREOS NA BIBLIO


Prestade moita atención! Este curso o rato Roi abre a súa biblioteca nos recreos!!! 

Cada quince días levaremos a cabo un obradoiro diferente: de xogos de mesa, clubs de lectura, realidade aumentada, mesa de luz...e moitos máis. 

Informarémosvos de cada actividade. Estade atentos!!!


domingo, 28 de outubro de 2018

A APÓCEMA MÁXICA


Para celebrar o Samaín un grupo de alumnos e alumnas fixeron unha apócema máxica.
Aquí tedes a receita súper segreda!!!

NO CEE DE FERROL EXISTEN AS MEIGAS E OS FEITICEIROS 
E VAN A FACER UNHA POCIÓN PARA QUITAR O MAL CHEIRO.

O INGREDIENTE SEGREDO NÚMERO UN 
É AUGA DE COCER ATÚN.
(AGUA OSIXENADA)

O SEGUNDO INGREDIENTE SEGREDO
É SUOR DE MORCEGO.
 (XABÓN LÍQUIDO)
  
O INGREDIENTE SEGREDO NÚMERO TRES 
É AUGA DE LAVAR OS PÉS. 
(AUGA E LEVADURA FRESCA)

E CANDO MESTURAMOS TODO...
CHEIRA COMA O SOBACO DUN OGRO!!!


mércores, 24 de outubro de 2018

UN DÍA MOI ESPECIAL

Hoxe, 24 de outubro, celébrase o Día da Biblioteca. E, como non podía ser doutra forma, nós tamén nos quixemos unir a esta festa. Para isto, e coincidindo co día que celebramos o Magosto e Samaín no cole, elaboramos entre todas as aulas do centro un libro viaxeiro terrorífico! Tamén fixemos unha apócema máxica....





xoves, 18 de outubro de 2018

SEGUIMOS VIAXANDO

Este curso o noso rato segue a viaxar polo mundo e continúa axudándonos a coñecer países moi interesantes. Nesta ocasión ímonos a Italia!!!
Esta é a carta coa que o rato Roi nos invita a viaxar con el.




QUE BEN ESTÁS RATO ROI!!!!!

Acompañando a nova imaxe da nosa biblio o rato Roi deciciu dar un cambio a súa imaxe.

Para iso propuxo un concurso de debuxo. Todos foron estupendos así que foi tan difícil elixir un... que decidiu facer unha mestura con varios dos debuxos.




E así quedou o novo rato Roi!



luns, 15 de outubro de 2018

A NOVA IMAXE DA NOSA BIBLIO

A nosa biblioteca está de estrea e desexando enchense de xente que veña a disfrutar dos novos recursos.


mércores, 4 de xullo de 2018

MAKING OF

Como se fai unha curta?
Xa para rematar, queremos amosarvos unhas fotos nas que podedes ver como realizamos as distintas personaxes, os decorados e os elementos de atrezzo.



martes, 3 de xullo de 2018

SOPA DE NADA

Boas tardes rapazada: Como xa todos sabemos este curso chegou ao seu fin e nós queremos festexalo compartindo con vós esta curta que fixemos da adaptación do libro da editorial OQO "Sopa de Nada". Grazas á oportunidade que nos deron dende o Plan Proxecta, puidemos participar no concurso Nós tamén creamos e a verdade é que gozamos moito coa súa elaboración. Seguide moi atentos ás nosas publicacións pois non descartamos en volver a repetir esta experiencia. Desexamos que vos guste:

venres, 25 de maio de 2018

OS GHAZAFELLOS NO NOSO COLE!

Que bo rato pasamos cos Ghazafellos! 

Viñeron ao noso cole coa sua obra de teatro "As mil e unha noites". Encantounos e rimos moito. 

Nós tamén queremos pedirlle un desexo a ese xenio la lámpada marabillosa....que veñan a visitarnos moitas veces máis! 
E mentres o noso desexo se cumpre, deixámosvos unhas fotos da súa actuación.


LECTURA DAS FAMILIAS

Este trimestre iniciamos esta actividade que queremos que se converta nun costume na nosa biblioteca, convidamos ás familias vir a lernos contos. A experiencia foi moi boa, aos nenos e nenas fíxolles moita ilusión.

Esperamos que as familias vos vaiades animando para participar no vindeiro curso.

Moitísimas grazas ás mamás de Lara Cortizo e de Miguel Piñeiro por participar, fixérono xenial!





UNHA NOVA CARTA DE ROI

O noso ratiño anda a viaxar por México e convídanos a coñecer este país da súa man.

Que o pasedes moi ben nesta nova viaxe!!



venres, 27 de abril de 2018

A NOSA VIAXE POR CHINA

O Rato Roi estivo viaxando por China e nós con el. Aprendimos moitas cousas deste país.
Esta semana para celebrar o día do libro e amosar todo o sabíamos sobre China reunímonos todo o cole.
Cada clase explicou todo o que traballaron sobre este país e entre todas as clases fixemos una adaptación dunha lenda china " O tigre famento e o raposo astuto" para contar co Kamishibai.




mércores, 31 de xaneiro de 2018

CELEBRAMOS O DÍA DA PAZ


Para celebrar o día da Paz dende a biblioteca preparamos unha selección de libros que andan a recorrer os corredores do noso centro.

Gravamos un vídeo tod@s xunt@s falando do que é para nós a Paz. Vímolo todos xuntos e coñecimos a histora dun conto titulado: "Sadako e as mil grullas de papel", fixemos un mural precioso facendo grullas de papel ao igual que fixeron Sadako e os seus amigo, escribimos mensaxes de paz que pegamos no oso panda, símbolo da Paz en China e.....como non!!!!! .....para rematar........TOMAMOS CHOCOLATE CON CHURROS PARA CELEBRAR QUE NO NOSO COLE SOMOS TODOS AMIGOS




OS LIBROS VIAXAN!

A semana pasada foi moi especial para a nos biblioteca.
Comezamos co préstamos de libros!