Queremos darvos a BENVIDA a este novo curso!
Estamos no Outono e o Rato Roi ten moitas ganas de festexar o Magosto e o Samaín.
Para iso, preparou unha mesa con contos, películas e xogos típicas destas datas. Algúns dan moito medo! Atréveste a visitar a nosa biblioteca?
Este venres pasado repartimos as invitacións, esperámosvos!
.jpg)
Para aproveitar o noso disfrace de Entroido, decidimos traballar un pouco mais a figura do artista Keith Haring, coñecendo cousas da sua vida e das súas obras. Despois fixemos algunhas interpretacións dos seus cadros e das figuras que representaba. Espero que vos gusten:
Hoxe fomos invitados a participar no progama de Radio Filispin "Unha tarde no muiño". Aproveitamos esta oportunidade para falar dos cambios que se produxeron no noso centro nestes 50 anos de vida, posto que este curso celebramos o seu 50 Aniversario. Ademais, os nenos participantes (Pablo, Xoan e Israel) falaron do que fan no seu día a día, posto que os tres están escolarizados en réxime de internado, do que lles gusta do cole, do que lles gustaría cambiar,.. Aquí vos deixamos unha pequena mostra en fotos e o enlace ao audio do programa:
Hoxe participamos nunha nova edición do Correlingua. Un grupo de alumnos e alumnas desprazámonos ata o Pazo da Cultura de Narón para gozar desta nova edición que veu da man de Isabel Risco e Paco Nogueiras. Pasámolo moi ben!
Para conmemorar o Día das Letras Galegas, que este ano estivo dedicado á figura de Florencio Delgado Gurriarán, decidimos realizar unha interpretación de varios dos seus poemas. Espero que vos guste o resultado:
Outro curso mais participamos no concurso de Poesía e Imaxe convocado pola Coordenadora de Equipas de Normalización Lingüística de Ferrolterra na súa XXII edición. Estes foron os noso carteis gañadores e a entrega de premios:
Este ano poidemos volver celebrar a festa dos Maios que tanto botabamos de menos. Para isto realizamos tres talleres diferentes: un no que o alumnado podía realizar un Maio en papel para levar para as súas casas, outro para confeccionar unha alfombra floral e un terceiro no que entre todos decoramos un gran Maio. Por aquí vos deixamos algunhas fotos deste día:
Inspirados na obra deste autor "La cocina de dibujos" elaboramos o noso prato estrela: Ensalada rápida de círculos.
BON APPÉTIT!
Ao longo de toda esta semana estivemos celebrando o Día do Libro dun xeito moi orixinal: propuxémoslle ao alumnado a creación dun conto utilizando a técnica do “CADÁVER EXQUISITO”. Esta técnica de escritura cooperativa fixo que interviñeran todas as clases, algunhas encargadas de dar cor ás ilustracións e outras de dar forma ao seu texto, conseguindo con isto un conto colectivo. Unha vez rematado, viaxou por todas as aulas para que gozaran do resultado final:
AS AVENTURAS DE FONETE E PANETA.
