NO CEE TERRA DE FERROL SEGUIMOS CELEBRANDO.

 

O equipo de EDLG organizou unhas actividades moi divertidas na biblioteca para celebrar o Día das Letras Galegas, homenaxeando a Francisco Fernández del Riego.

 

Despois de traballar O Medo no mes de abril,  a través de diferentes contos e actividades, este mes rematamos o programa Inclúe-T, Emocióna-T con Ceñuda, que nos axudou a traballar O Enfado e E Rabia e a como xestionar estas emocións e expresalas de maneira axeitada.

Queda moi pouquiño para terminar o curso. O Rato Roi comeza a recoller as súas cousas e xa está a pensar en cousas novas para o próximo curso...

                                                

           

FELIZ DÍA DO LIBRO.

Onte con motivo do DÍA DO LIBRO, Pakolas tivo un detalle co CEE Terra de Ferrol, dedicándonos "A Ramona Pequena vai á lúa".

Moitas grazas!

Feliz Día do libro, que aínda que fose onte, sempre é un bo día para mergullarnos nas pequenas e grandes historias.

SEMANA DO LIBRO

Durante esta semana celebraremos no CEE Terra de Ferrol a "SEMANA DO LIBRO" para conmemorar "O Día do libro" que é o vindeiro domingo 23 de abril.

Para iso, cada día, o alumnado de FP realizará unha lectura cunha pequena representación ao resto do alumnado. 

Outra das actividades organizadas xunto co EDLG é ter a disposición na biblioteca unha serie de libros con material manipulativo para que os nosos alumnos e alumnas poidan vivenciar os contos. 

Tamén queremos agradecer á Asociación de Veciños "Os Irmandiños", do Val a doazón destes libros tan divertidos e interesantes dos Bolechas para todo o noso alumnado.

MARZO "MES DA ALEGRÍA". Actividade con CANQUERER

 

Durante o mes de marzo traballamos a emoción da ALEGRÍA. Para iso realizamos diferentes actividades a través de xogos e diferentes recursos.

 

Tamén realizamos unha actividade que nos serviu para experimentar diferentes sentimentos e sensacións a través dos animais.

Coa axuda das cadelas Duna e Isla, creamos un ambiente relaxado, onde gozamos xogando e realizando trucos con moita paciencia e ledicia.

 

Neste terceiro trimestre toca experimentar con outras emocións, imos mostrarvos como o facemos.

EMOCIÓNA- T con Febreiro "MES DA TRISTEZA"

Durante o mes de febreiro "MES DA TRISTEZA" realizamos diferentes actividades para traballar esta emoción co alumnado. 

Queremos compartir as fotos das diferentes tarefas que realizou, con moito esforzo,a nivel individual e grupal, o noso alumnado.

           

Marzo é o "MES DA ALEGRÍA" e xa estamos a tope con novos proxectos, porque sen dúbida esta emoción gusta, e moito.

"A semana da prensa"

A semana pasada celebramos no C.E.E. Terra de Ferrol "A semana da prensa" e como temos un alumnado tan incrible e marabilloso, tivemos que poñelo en portada. 

Sen dúbida, encantoulles verse no xornal e mostrarnos as cousas que máis lle gustan e as que non soportan.

Emocióna-T: Isla e Duna acompáñannos nas actividades con Canquerer

 Onte comezamos unha actividade con "Canquerer".

Aproveitando que neste curso estamos dentro dos programas INCLÚE-T con EMOCIÓNA-T, que mellor maneira que experimentar emocións que a través dos animais, neste caso con Isla e Duna, dúas cadeliñas que nos acompañarán este mes de marzo, facéndonos sentir moita alegría.

Isla e Duna ensináronnos a croqueta, o saúdo e moitas cousas máis, puidemos aprender moito delas porque nas próximas sesións, tócanos a nós. 

Este mércores foi o día de contacto, e a verdade é que todos gozamos desta sesión cargada de agarimo e tenrura, creando un ambiente relaxado. 

Que ganas de que chegue o vindeiro mércores!

8 M "Día Internacional da Muller"

No C.E.E. Terra de Ferrol defendemos a igualdade de xénero e para conmemorar este 8 M "Día Internacional da Muller", o noso alumnado fixo un debuxo de mulleres importantes nas nosas vidas.

Ademais desde a biblioteca propuxemos unha serie de recursos para traballar esta data. 

"Non podemos avanzar todos, se á metade déixasenos atrás", Malala Yousafzai.

EMOCIÓNA-T no ENTROIDO

 

 

O entroido deste curso inspirouse nas EMOCIÓNS, aproveitando que as estamos traballando a través do programa EMOCIÓNA-T. 

Para iso escollemos o conto "O Monstro de cores".

A película "Do Revés" .

e "Emoji" a película, para que o noso alumnado gozase dunha xornada de música e baile.

TERRA DATES

 

O noso primeiro Terra Dates foi un cúmulo de emocións. 

O alumnado participou de maneira activa con mensaxes cheas de sentimento cara aos e as demais. 

E mostras de agarimo a través dun abrazo, un bico ou simplemente un sorriso.

Foi moi emotivo ver tantas emocións a flor de pel e ver esa ledicia nas súas caras.

14 de FEBREIRO. Día do AMOR e da AMIZADE.

 

Esta semana no CEE Terra de Ferrol celebramos o Día do Amor e da Amizade. Para iso, dende a biblioteca facilitamos recursos para poder traballar o tema.

Ademais, xa que estamos levando a cabo o programa EMOTIONA-T, que mellor maneira de emocionarse que co amor e ca amizade. 

Para iso organizamos o noso "Terra Dates", un espazo onde cada quen lle pode dicir a un compañeiro ou a unha compañeira unha bonita mensaxe, ben sexa cun xesto, unha verba ou por escrito.

Así que goza do Amor e da Amizade!

NO TERRA ATOPAMOS EMOCIÓNS

 

No CEE Terra de Ferrol estamos a participar no programa EMOCIÓNA-T.

Cada mes, todo o centro traballa unha emoción, febreiro é o mes escollido para traballar a tristeza. É moi importante que o noso alumnado identifique as emocións, sexa consciente da súa intensidade e sexa capaz de manifestala de maneira asertiva, polo que este tipo de programas son moi interesantes para o desenvolvemento persoal dos nosos alumnos e alumnas.

 

Desde a biblioteca "O Rato Roi" é o encargado de ofrecernos unha serie de recursos para realizar este traballo, estar moi atentos e atentas porque ata final de curso teremos moitas sorpresas ... EMOCIONANTES!

30 DE XANEIRO. "DÍA ESCOLAR DA NON VIOLENCIA E DA PAZ"

 

Para conmemorar este "DÍA ESCOLAR DA NON VIOLENCIA E DA PAZ"  realizaremos diferentes actividades. 

Decoraremos o centro con palabras e sentimentos de paz, pombas, debuxos...

Así como o tradicional chocolate con churros co que celebraremos mañá este día tan sinalado.

Desde a biblioteca propoñémoslle ao noso alumnado unhas lecturas, xogos e películas que nos axude a entender que é sentir PAZ.

Porque como dicía Gandhi: "Non hai camiño para a paz, a paz é o camiño".