venres, 9 de outubro de 2015

OBRADOIRO OUTONO 1

Comezou o outono e con el os nosos obradoiros. 

Pasámolo en grande xogando cunha morea de follas. Tirábamolas ao aire e aos compañeiros, escondimos obxectos para que outros os atopasen e espertamos un montón de novas sensacións revolcándonos sobre elas.

Tocamos, sentimos e ulimos o outono.



















xoves, 1 de outubro de 2015

TRABALLAMOS CO OUTONO

Como recordaredes, o curso pasado iniciamos un proxecto que levaba por título " E nós, que pintamos aquí?" e que dedicamos a Joan Miró. Este ano centrarémolo na figura de Leandro Lamas e por este motivo, moitos dos materiais que elaboremos levarán referencias das obras deste artista.

Aqui tedes as nosas fichas para traballar o outono. Dada a diversidade do noso alumnado podédelas atopar en galego e castelán. Só tedes que clicar no enlace que vedes a continuación para poder descargalas.

Desexamos que vos gusten e sexan de utilidade.


 VERSIÓN EN GALEGO

https://drive.google.com/file/d/0B12i2UzJB4DaS1FPb3h6X0pSVHM/view

VERSIÓN EN CASTELÁN

luns, 28 de setembro de 2015

TALLER DE XELATINA

Dende a aula de estimulación multisensorial iniciamos a nosa andaina de talleres para este curso coa xelatina...mmmmmmm!!!!!!!!
Empregamos a caixa de luz, xelatina de fresa e limón e moldes  de letras.
É unha moi boa experiencia para traballar os sentidos: tocamos, ulimos e diferenciamos cores e sabores.

 ¡É MOI DIVERTIDO APRENDER ASÍ AS LETRAS!































martes, 22 de setembro de 2015

ESTE CURSO ESTREAMOS NOVOS CADERNOS

Co motivo de favorecer a comunicación entre o centro e as familias, elaboramos estes cadernos.
Neles apuntaremos:as cousas importantes de cada día, os recados e enviaremos as circulares.
Conta cun apartado onde están os teléfonos de contacto do centro e das familias para telos a man.
Desexamos que vos gusten.