venres, 23 de abril de 2021

23 de abril - DÍA INTERNACIONAL DO LIBRO

Este curso decidimos conmemorar este día dun xeito moi especial: queremos contarvos a historia da chegada ao cole da nosa mascota O Rato Roi. 

"Todo comezou un día no que o noso ratiño paseaba pola rúa na procura de comida..."

Se queredes saber como continua a historia só tedes que ver estes dous vídeos que vos adxuntamos. Nun deles a autora da historia, Vicky González, ex - alumna do noso centro, relátanos a súa chegada e no outro puxémoslle música a súa vida.

Esperamos que vos guste tanto como nos gustou a  nós.






venres, 26 de marzo de 2021

DÍA DA ÁRBORE (21 de maio)

Ao longo desta semana estivemos traballando coas distintas árbores, arbustos, flores que temos pola contorna do centro. O alumnado da FPB de xardinaria elaborou este estupendo taboleiro que esta colocado nun dos corredores e que podemos ir a ver sempre que queiramos. 





venres, 12 de marzo de 2021

Día Internacional da Muller - 8 de marzo do 2021

Para conmemorar O Día Internacional da Muller, dende o EDLG en colaboración coa Biblioteca Escolar, elaboramos unha serie de fichas para realizar na aula ao longo desta semana. Ademais tamén fixemos a proposta de decorar os taboleiros do centro con fotos e frases de algunha muller representativa para a sociedade. Como mostra do traballo realizado, deixamos este vídeo:



Queremos facer un agradecemento especial a BANDA DE BALBINA, por cedernos unha versión da súa canción para a realización desta montaxe.



xoves, 25 de febreiro de 2021

Día de ROSALÍA (24/02/2021)

Segundo a  Asociación de Escritoras e Escritores en Lingua Galega (AELG) onte conmemoramos, un  ano máis, o Día de Rosalía de Castro. Por iso, dende o EDLG e o Equipo de Biblioteca elaboramos as seguintes actividades para realizar na aula:

  • Unhas fichas sobre a vida e obra da autora.
  • Unha rosa para decorar e agasallar con ela a quen se queira
  • Unha selección de música con poemas de Rosalía.
  • Unha carouta elaborada por OZOCOgz.
Deixamosvos un resumo destas actividades plasmadas nestas fotos.












luns, 15 de febreiro de 2021

Estamos de ENTROIDO

 A semana do 8 ao 12 de febreiro celebramos o Entroido. Como xa imaxinaredes non tivemos un festival en común, senón que este ano fixemos festa por grupos burbulla o que non impediu que o pasaramos xenial. Tamén tivemos un Meco, aínda que un poquiño distinto ao que estamos acostumados. Para decorar o centro fixemos uns carteis para adornar os corredores con personaxes típicas do entroido galego. Esperemos que vos guste o noso resumo.




PERSONAXES TÍPICAS DO ENTRODIO GALEGO: 
O Merdeiro de Vigo, Os Galáns e As Madamas de Cobres, O Loro Rabachol de Pontevedra, O Labardeiro de Toén, O Felo de Maceda, A Pita de Eiroás e Os Choqueiros de A Coruña.